“Нүдэн Сондор” МУСК тун удахгүй нээлтээ хийнэ

Сайн байна уу танд энэ өдрийн мэнд хүргэе?

За баярлалаа. Танай сайтын хамт олонд бас энэ өдрийн мэнд хүргэе. Та сайхан намаржиж байна уу?

Таныг дуучин гэдгээр нь бид сайн мэднэ. Гэхдээ нэг хэсэг аялалын нэвтрүүлгээр их олон удаа харсан одоо аялж байгаа юу?

Тиймээ. Монгол орныхоо байгалийн үзэсгэлэнт, түүхийн дурсгалт газруудаар 4 жил аялж маш олон нэвтрүүлгүүд бэлтгэн, үзэгч олныхоо хүртээл болгосон. Аялал гэдэг бол миний мэдэх хамгийн сайхан зүйлүүдийн нэг. Цаашдаа ч зогсохгүй аялах болно.

Таныг аяллын нэвтрүүлгийг үзээд дуулахаа бүр больсон юм болов уу гэж бодсон?

Аялах гэдэг бол миний хувьд "хобби" юм л даа. Дуу уран бүтээлийн хувьд бол энэ миний сонгосон мэргэжил учраас орхих ёсгүй, орхих эрхгүй зүйл юм.

Эрхгүй гэдгийг ямар утгаар хэлж байна?

Өвөө маань МУГЖ уртын дуучин Долгоржав гэдэг хүн байсан. Би тэр хүний үргэлжлэл учраас дуулна гэдэг миний үүрэг гэж би ойлгодог. Харин одооноос би өөрийн бие даасан уран бүтээлдээ орж байгаа.

Өө тийм үү. Та сүүлийн үед ямар уран бүтээл дээр ажиллаж байна?

Тун удахгүй нээлтээ хийх “Нүдэн сондор” хэмээх уран сайхны киноны дууг дуулсан. Бас тэр кинондоо тоглолоо.

Их сайхан нэртэй кино байна. Нууц биш ямар дүрд тоглосон бэ?

Эсрэг дүрд тоглосон. Кино нээлтээ хийсний дараа та бүхэн үзэж сонирхоорой. Мөн манай продакшн энэ зун хүүхдийн богино хэмжээний үлгэрийн кино бүтээж дуусгалаа. Кино маань ирэх сарын эхээр нээлтээ хийхээр ажиллаж байна.

Өө ямар гоё юм бэ? Энэ зун их уран бүтээлийн арвин ургацтай байгаа юм байна. Яагаад заавал үлгэрийн киног сонгосон бэ?

Ер нь сүүлийн 10, 20-иод жил энэ сэдэв хаягдсан шүү дээ. Дандаа л томчуудын үзэх дуртай сэдвүүдээр кино хийгдэж байгаа. Та бүхэн өөрсдөө мэдэж байгаа биз дээ. Монгол хүүхдүүдэд маань энэ сэдэв дутагдаж үгүйлэгдэж байна шүү дээ. Иймээс зорьж хийж байгаа.

За баярлалаа. Маш үнэтэй цаг хугацаагаа манай сайтын уншигч нартай хуваалцаж сонирхолтой мэдээлэл ярилцлага өгсөнд баярлалаа. Таны цаашдын уран бүтээлд амжилт хүсье!

За баярлалаа. Мөн сайтын хамт олонд баярллаа. Удахгүй шинэхэн уран бүтээлүүдээр уулзацгаая.

Өдөр бүр үзэсгэлэнтэй харагдахын тулд юу хийх хэрэгтэй вэ?

Бүсгүй хүн бүр “Чи үзэсгэлэнтэй харагдаж байна шүү” хэмээх үгийг сонсоод энэ хорвоогийн хамгийн сайхан бүсгүй мэтээр өөрийгөө мэдэрдэг. Тэгвэл хэрхэн өдөр бүрийг аз жаргалтай, дур булаам өнгөрүүлэх вэ? Бид та бүхэндээ хэний ч өмнө хараа булаам сайхан бүсгүй байхад туслах маш хэрэгтэй мэдээллийг хүргэж байна. Хамгийн гол нь та өөртөө итгэлтэй байж, өөрийнхөө байгаа байдалд сэтгэл хангалуун байх хэрэгтэй юм шүү! 

sd

Итгэл найдвартай болох

Энэ нь таныг өөрийн гоо сайхныг дотоод болон гаднаасаа мэдэрч, ойлгоход тусалдаг. Өөрийнхөөрөө л бай. Өөр тийшээ хазайгаад хэрэггүй. Өөрийнхөөрөө инээмсэглэж, эерэг зүйлд л ухаан бодлоо төвлөрүүлж байгаарай. Энгийн мэт санагдавч, энэ нь маш чухал шүү. Өөрийн дутагдалтай талаасаа ичиж зоволгүй, аль болох засаж залруулахыг хичээгээрэй.

2Арьс болон биендээ анхаарал тавих

Эрүүл ахуйдаа анхаарал хандуулан, өдөр бүр усанд орох нь таныг сайхан үнэртэй болгож, ахин өөрчлөгдсөн мэдрэмжийг өгдөг байна. Биеэ угаахдаа гоё сайхан үнэртэй биеийн шингэнээр угааж байвал сайн. Өдөр болгон үсээ угаах нь таны хуйханд муугаар нөлөөлдөг тул өнжөөд угааж байгаарай. Хэрвээ таны үс тослог бол үсний шампуниа сайтар арилгаж байх нь чухал.  

Үсээ угаах бүрдээ хуйхандаа хуруугаараа массаж хийж өгөөрэй.  Мөн үсээ 2 удаа зайлж угаах хэрэгтэй шүү. Дараа нь үсний ангижруулагчаар угааж өгөөрэй. Ойролцоогоор 20 секундын турш массаж хийж, 2 минут байлгах хэрэгтэй юм. Мөн л хоёр удаа зайлах нь зүйтэй. 

3Нүүрээ зөв угаах

Энэ нь таны батгыг арилгаж нүх цэвэрлэх ашиг тустай. Тослог багатай нүүр цэвэрлэгчийг нэг юм уу хоёр долоо хоногт нэг удаа хэрэглээд үзээрэй. Арьс тань цэвэрлэгдэж, яг л шинэ юм шиг болно. Халуун усаар угаахаасаа өмнө нэг зүйлийг мэдэж авцгаая. Халуун усаар угаах нь батганы нүхийг тань тэлэх аюултай тул, аль болох зайлсхийгээрэй. Харин халуун усаар угаасны дараагаар хүйтэн усаар угаавал нүх агшдаг байна. Цэвэрхэн арьстай байна гэдэг таныг арьсандаа санаа тавьдаг мэт харагдуулдаг гэнэ шүү.

4Үсээ янзлах

Өглөө бүр, үсээ янзлах гэсээр маш их цагийг шүү дээ. Үсээ энгийн, эрүүл харагдуулах нь илүү үзэсгэлэнтэй харагдуулах ч, нэмэлт чимэглэл, гоёл зүүснээр та илүү эмэгтэйлэг үзэсгэлэнтэй харагдах болно. Эсвэл та өөртөө тохирсон, загварлаг засалтаа үсээ засуулаарай. Гэхдээ энгийн гээд л үргэлж үсээ шууж боох нь бас тиймэрхүү учир тунг нь тааруулах нь чухал. Хэрвээ таны үс долгионтой бол,  хойш нь шууж боож болно шүү. Мөн үсээ тогтмол үзүүрээс нь тайруулж байх нь, үсийг салаалуулдаггүй сайн талтай.

-    Үсний индүү ашиглахдаа болгоомжтой байгаарай. Үсний индүү нь ямар ч үед үсэнд муугаар нөлөөлж, салаалуулах шалтгааныг үүсгэдэг. Тэгэхээр үсний индүүг зөвхөн онцгой үйл явдалд л ашиглах нь зүйтэй гэдгийг мэдэж авсан байх.

5Нүүр будалт

Нүүрээ будахдаа хэтрүүлж будаж л болохгүй шүү. Яг л байгаагаараа байх нь бусдад таалагддаг байна. Өөрийнхөөрөө биш л бол та ямар  ч сайхан эмэгтэй байсан, бусдад хиймэл, хэт их хичээсэн мэт харагдах болно. Хэрвээ та зайлшгүй л будах ёстой бол сормуус нүдээ бага зэрэг будаж уруулаа өнгөлж бага зэрэг кремээр будалт хийвэл зүйтэй. Шингэн крем нь нунтагаасаа илүү будаагүй мэт харагдуулах шидтэй гэнэ.

6Дасгал

Өдөрт багадаа нэг цаг дасгал хийх нь таны биед маш сайн нөлөөтэй байдгаас гадна нэг л долоо хоногийн дотор жин хаях магадлалыг өсгөдөг байна. Хамгийн гол нь жингээ хаяна л гэж бодож байгаа бол шантралгүй удаан хугацааны турш хийгээрэй.

7Эрүүл хүнс хэрэглэх

Шинэхэн жимс ногоо хэрэглэх нь таныг сайхан харагдахад үнэхээр чухал нөлөөг үзүүлдэг. Тэгэхээр улам бүр  л сайхан харагдуулна гэсэн үг шүү дээ. Хоол хүнсний гурвалжинд  байх бүх хоол хүнс нь өдөрт авах ёстой илчлэгийг өгдөг учир тэрхүү гурвалжинг сайтар дагах нь зүйтэй. Хэрвээ та эрүүл хоол хүнс хэрэглэж чадахгүй байвал биенд муу нөлөөтэйгээс гадна, илүүдэл жин үүсгэдэг. Мөн хооллохоосоо өмнө гараа угаахаа мартуузай. Мөн чадах хэмжээгээрээ, аль болох ус сайн уух нь арьсыг чийгшүүлж, бие болон арьсанд мэдэгдэхүйц сайн нөлөө үзүүлдэг.

8Өөрийнхөөрөө бай

Үзэсгэлэнтэй сайхан харагдах гэж бусдыг дуурайн, хэлбэр хөөх хэрэггүй. Энэ нь харин ч таны гоо үзэсгэлэнг дарж, бусдад таагүй сэтгэгдлийг төрүүлдэг. Иймд хамгийн гол нь өөртөө таалагдахын туолд амьдраарай. Бид нэгэнт эм юмс, мөнгө биш учраас бусдад таалагдах гэж тэгтлээ хичээх хэрэггүй. Танд байгаагаар дурлаж, хүндэлдэг хүнийг олтлоо, өөр нэгэнд боломж олгох хэрэггүй юм.

9Чихэр, амттанаас татгалзах

Ялангуяа түргэн хугацаанд турж, хүссэн жиндээ хүрэхийг хүсвэл чихэр, амттангаас аль болох чадах чинээгээр татгалзах хэрэгтэй. Зөвхөн хэдхэн хоног ч биш цаашдаа ч гэсэн их хэмжээгээр идэлгүй, зөвхөн хорхойгоо дарах үүднээс багаханыг идэж байгаарай. Танд амжилт хүсье. 

10Хувцаслалт

"Энийг өмсвөл би тарган харагдаж байна уу?" Та энэ асуултыг дор хаяж өдөрт 2-3 удаа хэн нэгнээс асуудаг байх. Эмэгтэй хүмүүс бүгд л тарган байсан ч туранхай, туранхай байсан ч илүү гоолиг туранхай харагдахыг л хүсдэг. Харин буруу хувцалсанаас болж хэдий гуалиг биетэй нэгэн байсан ч тарган, эв хавгүй харагддаг юм. Иймд өөрийгөө аль болох гоолиг, цэгцтэй, үзэсгэлэнтэй харагдуулах хувцсыг сонгон өмсөх нь чухал.

Исламын улс бүлэглэл ОХУ-д дайн зарлалаа

h

Исламын улс бүлэглэл ОХУ-д дайн зарлаж буйгаа Ням гарагт Youtube-ээр бичлэг хийн зарлалаа.

Бичлэгт:

“Сонс Путин, бид Орост очиж танай иргэдийг хөнөөх болно!! Ахан дүүс нараа, Ариун дайн хийн тэднийг устгаж, тэдэнтэй дайтацгаая” хэмээн маск зүүсэн этгээд чангаар хашгирчээ.

ИУ-ын террорист бүлэглэлийн хийсэн бичлэг гэдэг нь албан ёсоор тогтоогдоогүй ч видеоны тайлбар ба холбоос нь цэрэг, армиуд ашигладаг телеграм аккаунт байсан аж.

ОХУ-ыг заналхийлсэн шалтгаан нь одоогоор тодорхойгүй байгаа боловч ОХУ болон АНУ нь сүүлийн үед Исламын улс бүлэглэлийн эсрэг Сирид тусгай ажиллагаа явуулж, Сиритэй цэрэг армийн хүчийг нэмэгдүүлэхэд хамтрах талаар яриа хэлэлцээр хийсэнтэй холбоотой байх өндөр магадлалтай аж.